558 Бардыгы /

          ОШ. Акыркы кезде айрым жарандар тарабынан мамлекеттик чек араны мыйзамсыз түрдө кесип өтүү аракетинин учуру уламдан улам көбөйүп гана баратат. Бул туурасында Кыргыз Республикасынын УКМКсына караштуу мамлекеттик  Чек ара кызматынын маалымат жана коммуникация башкармалыгынан ырасташты. 

          Маселен, “Достук-автожол” жана “Маданият-автожол” өткөрүү жайларындагы Кыргыз чек арачылары Өзбекстандын бир нече жаранын жарым-жартылай жасалма документтер менен дароо кармашты. Мындан тышкары “Достук-автожол” КӨЖсы 1992-жылы туулган Д.М. аттуу Өзбекстандын жараны паспорттук көзөмөлдөн өтпөй туруп эле мамлекеттик чек араны кесип өтүү аракетин жасап жатканда гана колго түшүрүштү.  Сурамжылоо учурунда Өзбекстан жаранынын Кыргызстандын аймагында мыйзам чегинде жүрүү мөөнөтү өтүп кетип, Т.М.у. аттуу бир жаранга кайрылганында, ал сый акы үчүн аны чек арадан өткөрүү жайынан өткөрүп жиберүүгө сөз бергендигин ачыктаган. Жыйынтыгында эки мыйзам бузуучу тең дароо кармалышты. Эртеси “Достук-автожол” КӨЖсынын чек арачылары мамлекеттик чек араны кесип өтүү аракетинде 2003-жылы туулган А.Б. аттуу Өзбекстандын жаранынын күнүнүн мөөрү жасалма болгондугун дагы аныкташты.  

          Ошентип, соёку сааттарда Өзбекстан Республикасына кайтып келүү укугун берген күбөлүгүндөгү жарым-жартылай жасалма жери бар Өзбекстан Республикасынын 1975-жылы туулган П.Б.  аттуу жараны “Маданият-автожол” өткөрүү жайында кармалып олтурат. Тиешелүү документтер толтурулган соң бардык кармалган жарандар мындан аркы териштирүү максатында компетенттүү укук коргоо органдардын кызматкерлерине өткөрүлүп берилди.

Алишер ТОКСОНБАЕВ, өз кабарчы