594 Бардыгы /

ЖАЛАЛ-АБАД. Аксы районундагы Кербен шаарынын кире бериш жерине “Кербен мал союучу жайы” курулуп пайдаланууга берди.

Кербен шаарында буга чейин заманбап мал союучу жайдын жоктугу көйгөй болуп келген. Шаардык мэриясына караштуу Жетиген айылынын тургуну, жеке ишкер Эмил Мырсалиев өз уулдары менен эли журтума пайдалуу бир иш жасап берсем деген тилеги ишке ашып, өзүнө тийген үлүштүк жерине ушул көйгөйдү эске алып 3,5 миллион сомдук каражатын жумшап, Кербен шаарынын кире бериш жерине жолго жакын, кайракы жерге жаңы мал союучу жайын куруп пайдаланууга берди. Жеке ишкердин мындай демилгесин жалпы эл, шаар тургундары кубануу менен кубаттоого алышты.

“Кербен мал союучу жайын” ачып жатып Аксы районунун акими Замирбек Сыдыков жакшы каалоо-тилектерин айтуу менен элге ак ниет, таза кызмат көрсөтүп, ийгиликтерге жетише берүүсүн каалады.

Белгилеп кетсек, Эмилдин ата- энеси да элге журтка кызмат кылган, эл кадырлаган адамдар болгон. Үсөнбай Мырзалиев менен анын өмүрлүк жары Гүлүмкан эне мал чарбасында саанчы болуп иштөө менен Ленин ордени, бир нече орден, медалдар менен сыйланып, ал кездеги Жогорку Советтин депутаты да болгон. Эмгек менен 12 уул-кызды тарбиялап өстүргөн. Бүгүн ата-эненин тилегин актап элге кызмат кылып олтурат. Салтанатка келгендер Эмилдин ата-энеси тууралуу да жылуу пикирлерин айтышты. Райондун тургундарын бул бардык заманбап талаптарга жооп берген жаңы жайдын кызматынан пайдаланууга чакырабыз.

Абдымомун КАЛБАЕВ, Аксы району