357 Бардыгы /

Жыл сайын Базар-Коргон райондук Өзгөчө кырдаалдар бөлүмүнүн ӨӨжААБнүн  кызматкерлери чөп чабык жана түшүм жыйноо учурунда өрт өчүрүү жана алдын алуубөлүмү өрт коопсуздугун камсыз кылуу боюнча бир топ иштерди жүргүзүшүп келе жатат.

Ушул максатта атайын үгүт-насаат иштери жүргүзүлүп, өстүрүлгөн түшүмдү өрттөн сактап калуу үчүн өрт коопсуздугунун төмөнкү  эрежелерин так сактап жана аткаруу зарыл.

Дан эгиндери бышкан жана аны жыйноо учурунда эгин талааларын жөө жана атчан кароолчулар менен камсыз кылуу;

Ар бир эмгекчи, комбайнчы, штурвалчы, тракторчу, машина айдоочу жана башка түшүм жыйноого тартылгандардын бардыгы өрткө каршы инструктаждан кол коюп өтүп, аны так сактоого жана аткарууга тийиш.

Дан массивдери чабылуучу ар бир участкада кокустан өрт чыгып кетпес үчүн сокосу илинген трактор даяр турушу зарыл. Участкалардын арасына убактылуу талаа стандары жасалат, бирок алар эгин талаасынан, кырман, үймөктөрдөн 100 метрге алыс болууга тийиш. Талаа стандарын тегерете 5 метр эндүүлүктү айдап коюу керек. Айыл чарба машиналарынын түтүн чыгуучу турбаларын учкун чыгарбай турган ишенимдүү жабдуулар жабдыш керек. Ал эми оруу-жыюу машиналарын жана агрегаттарын ремонттоочу жайлар эгин массивинен30 метр алыс болуусу зарыл.

Азыркы тапта Базар-Коргон районунун Өзгөчө кырдаалдар бөлүмүнүн ӨӨжААБнүн  офицердик курамы өрттөрдү азайтуу жана өстүрүлгөн кылкандуу дан эгиндерин өз убагында коромжусуз жыйнап алууну уюштуруу максатында чарба обьектилеринде айыл өкмөттөрүндө эгин талааларында  жана башка  мекеме ишканаларда өрткө каршы мазмундагы лекциялар, инструктаждар жана түшүндүрүү иштери жүргүзүлүүдө.

А.ШАРИПОВ, Базар-Коргон райондук ӨКБнүн ӨӨжААБнүн улук офицери, улук лейтенант