282 Бардыгы /

        Соңку сааттарда Ош – Ноокат автоунаа жолунда атайын түлөө өткөрүлдү. Муфтияттан билдиришкендей, Ноокат районунун баш имам-хатиби Бекназар ажы Жапаров жергиликтүү бийлик өкүлдөрү менен биргеликте Ош– Ноокат жолунда мал союп түлөө өткөрүп, эл-журттун амандыгын тилеп дуба кылышты.

        – Бул жылы Ноокат районунун тургундары үчүн тилсиз жоодон улам оор сыноолор келип, көпчүлүктү терең кайгыга салды. Эзелтен ата-бабаларыбыз мындай учурларда Жаратканга дуба кылып, эл-журттун амандыгы үчүн түлөө өткөрүшчү. Биз дагы Ош – Ноокат автоунаа жолунда атайын түлөө өткөрүп, жол кырсыгы жана башка апааттардан алыс болуу үчүн дуба кылдык. Аллахым дубаларыбызды кабыл кылсын! – деди Ноокат районунун баш имам-хатиб Бекназар ажы Жапаров.

        Айта кетчү жагдай: айтылуу Ош – Ноокат автоунаа жолунда бир канча жолу сел жүрүп, айрым жерлерде үйлөргө чейин сел каптап, эжле калкы оор жоготууларга дуушар болушту.

Алишер ТОКСОНБАЕВ, өз кабарчы