3 Бардыгы /

Президент Садыр Жапаров Ош шаарындагы Ак-Буура дарыясын көрктөндүрүү жана тазалоо иштеринин жүрүшү менен жеринде таанышты. Бул туурасында Өзгөчө кырдаалдар министрлигинен билдиришти.

Өзгөчө кырдаалдар министри Канатбек Чыныбаев үстүбүздөгү жылдын март айында дарыянын 17 чакырым тилкесинин абалына талдоо жүргүзүлгөндүгүн билдирди. Жумуштарды жүзөгө ашырууга жалпысынан 24 миллион сом бөлүнгөн. 22 даана атайын техника тартылып, механикалык иштер башталды. Бүгүнкү күндө дарыянын нугунан 323 510 тонна сел калдыктары жана кум-шагыл массалары чыгарылды. Тазалоо иштеринин баарын ушул жылдын 15-апрелине чейин бүткөрүү пландаштырылган.

Президент Садыр Жапаров Ак-Буура дарыясынын суу объектилеринин экологиялык абалын заманбап жакшыртууга жана калктын коопсуздугун камсыздоого багытталган иш-чараларды өз убагында жана сапаттуу аткаруу зарылдыгын дагы кошо эскертти.

Алишер ТОКСОНБАЕВ, өз кабарчы