3,351 Бардыгы /

Мен азыркы учурда Жалал-Абад областтык ички иштер башкармалыгынын тез чара көрүү атайын отрядынын саркеринин орун басары болуп иштеп келем. 1996-жылдан бери ички иштер органында иштейм. Милициянын баштапкы даярдоо курсунда окуп келгенден кийин эле атайын даярдалган отрядка катардагы кызматкер болуп жумушка орношкомун. Ал кезде чнында эле бизде көйгөйлүү маселелер көп эле. Тактап айтканда форма, кзматка керектүү атайын каражаттар, куралдар толугу менен камсыздалбаган эле. Биз бул жетишпестиктерди качан байкадык Баткен областна куралчандардын бастырп келип, кол салуусунда даана көрүнүп калды. Себеби, ошол кезде биздин кызмат биринчилерден болуп кызматка аттанганбыз. Биздин командирибиз милициянын полковниги ошол кездеги Байгаз Мамытович Ниязалиев деген эле. Бизге ошондо байкалды кандай каражаттар керек экендиги. Согушка бир таякчан эле барып алгандай болдук. Бизде бар куралдар шаар ичинне гана ңгайлашкан куралдар болчу. Биз Баткендин тоолорунда 1999-2000-жлдары жүрдүк. Ушул күндөр бизге сабак болду кандай курал жабдыктарды көбөйтүү эмнелерди азайтуу керектиги ачык көрүнүп калды.

1999-жылы үйлөнгөм азыр 5 балам бар.

Биздин убактагы жумушка салыштырганда азыркы катардагы кызматкерлерге жумуш бир топ эле жеңилдеп калган. Мурда бизде машыгуучу залда шарт начар эле. Учурда жетекчиликтин көңүл бөлүүсү менен шарттар заман талабына ылайкталган. Ошентсе да азыркы биздин көйгөйлөргө балдарды форма менен камсыздоо кирет. Мамлекет тарабынан мындан үч жыл мурда сапаты жагынан жакшы эмес форма берилген, ага карап олтуруп калбай кызматкерлер бирдей форманы өз каражаттарына сатып алып жатышат.
Саясий крдаалдарда, тополоң мезгилдеринде биздин ишибиз өтө кыйын болуп калат. Себеби, митингге чыккан элибизге каршы туруш өтө эле кыйын. Анткени алар өзүбүздүн карапайм куралсыз калк да. Ошол митингге чыккан энелерди, жаш балдард карап туруп эмне кылаарды билбей чарасыз калабыз. Андан көрө биз куралдуу кылмшкерлер менен эки жаат болуп урушканбыз жеңил. Анткени бизде максат бар кылмшкерлерди кармоо керек же жок кылуу керек деген.

Эми азыр бизде ички гана чыр чатактар чарчатат.

Жумуш эртең менен 8де башталат. Ушул убакытта кызмат бөлүштүрүүчү жыйын болот. Жыйында балдарга тапшырмаларды берип, убактысы келгенде атайын окутуп, эртең менен көбүнчө теориялк жактан күжүрмөн кызматтын тактикалары, кылмыш издөө, медицина, юридика жана башка сабактар окутулат, түштөн кийин саат 2ден 6га чейин дене тарбиялык машыгуулар жүргүзүлөт.6да кайрадан жалпы өздүк курам жыйналып, кечкиге бөлүнүп даяр туруп турушат. Эгер абал тынч болсо жумуштан кайтабз. Эгер тополоңго шектүүлүк жаралса, бардыгы казармный абалда даяр турушат.
Үйго апталап барбай калган учурлар кездешет. Мына ошол мезгилде ата-эне, келинчегим тынчсыздана баштайт. Ушул жумуштан чыгып, эл катары эле жашайлы деп калышат. Кооптонуп журду. Бирок азыр көнүп, үйронуп калды. Менин ордумда да бирөө мекенге ак кызмат кылмак деп жеке патриоттук сезимимдин күчү менен иштеп келем. Ал эми балдарым менин ушул кызматта иштегеним менен сыймыктанышат.
Сурап, жазып алган Нургүл Абдылдаева, журналист.