1,764 Бардыгы /

ЖАЛАЛ-АБАД. Жалал-Абад облустук үй-бүлөлүк медицина борборунун Сузак, Ноокен, Базар-Коргон районундагы ден соолукту чыңдоо кабинетинин адистери жана медициналык борборлордун медкызматкерлери катышкан окутуу болуп өттү. Бул тууралуу аталган борбордон билдирилди.

Окутууда «Мыкты азыктануу» долбоору репродуктивдүү курактагы (15-49 жаш) аялдардын жана беш жашка чейинки балдардын толук кандуу тамактануусун жакшыртуу, жаш балдардын жашоосундагы биринчи 1000 күндүк «мүмкүнчүлүктөр терезесине» өзгөчө көңүл буруу жаатында маалыматтар берилди.

Долбоор жыл бою түрдүү азыктарга талапты жогорулатуу менен бирге, ал азыктардын эл үчүн жеткиликтүү болушуна көмөктөшүү, саламаттык сактоо уюмдарынын тамактануу тармагында кызмат көрсөтүүлөрдү жогорулатуу, төрөт курактагы энелердин жана  5 жашка чейинки балдардын тамактануусун жакшыртуу жаатында бир катар мисалдар менен көрсөтүлүп берилди.

(Жалал-Абад облустук үй-бүлөлүк медицина борборунун ден соолукту чыңдоо кабинетинин байланыш тел.: 0773 31 64 66)