1,197 Бардыгы /

          ЖАЛАЛ-АБАД. Келсинбек Бектемиров Жалал-Абад облусуна караштуу Таш-Көмүр шаарынын мэри болуп дайындалды. Бул туурасында Президенттин Жалал-Абад облусундагы өкүлчүлүгүнөн кабарлашты.

Жаңы мэрди Жалал-Абал облусунун башчысы Абсаттар Сыргабаев эмгек жамаатына жана калаа жетекчилерине тааныштырды. Келсинбек Бектемиров 1980-жылы Жалал-Абад облусунун Жаңы-Жол (азыркы Аксы) районуна караштуу Кара-Суу айылында туулган. Билими жогорку, 2002-жылы Ош мамлекеттик юридикалык институтун аяктаган. 2008-2014-жылдары Өзгөчө кырдаалдар министрлигинин тармактык бөлүмдөрүндө эмгектенген. 2013-2014-жылы Жогорку Кеңеш депутатынын жардамчысы, жеке компаниялардын аткаруучу директору, 2012-2020-жылдары Таш-Көмүр шаар Кеңешинин эки чакырылышынын депутаты.

Буга дейре Таш-Көмүр шаарын Нурлан Доулбеков жетектеп келген эле. Ушул жылдын июнь айында анын кызматтык мөөнөтү аяктаган.

Алишер ТОКСОНБАЕВ, өз кабарчы