4,074 Бардыгы /

«Биз товарлар жана кызмат көрсөтүүлөрдү жеткирүүчүлөрдү бир аянтчага чогултуп көрөлү, деп ойлодук. Аларды өз ара тааныштырып, мындан ары биргелешкен долбоорлорду ишке ашыруу үчүн байланыштарды түзүүгө көмөк көрсөтөлү деп аракеттенип жатабыз», деп айтты Экономикалык ишкердик кеңешинин аткаруучу директору Аскар Сыдыков атайын форумда.

Кыргызстандын тоо-кен өндүрүү тармагы үчүн товарлар жана кызмат көрсөтүүлөрдү жеткирүүчүлөр аталышындагы форум 27- июнда Эл аралык ишкерлер кеңеши тарабынан «Хаятт Ридженси Бишкек» мейманканасында өткөрүлдү.

Форумда жер казынасын колдонуучулар жеткирүүчүлөргө сатып алуу жолун түшүндүрүп, суроолорго жооп беришти, ал эми жеткирүүчүлөр өз стенддерин орнотуп, кызматтарын сунуштай алышты.

«Акыркы убактарда биздин өлкөдө тоо кен тармагы тез өнүгүп жатат, демек кызматтарга талап да өсүүдө. Биз Кыргызстанда жергиликтүү компаниялар иштесин, жергиликтүү калк жумушка көбүрөөк тартылсын, адамдар көбүрөөк иштеп, окуп, өнүгүшсүн деп үгүттөйбүз. Ошондо гана инвесторлордун жергиликтүү калк менен көйгөйлөрү азаят», деди Айгерим Омокоева, «Аджи-Сервис» ЖЧКсынын аткаруучу директору. Компания тоо-кен тармагы үчүн адистештирилген техника жана башка кызматтарды сатат.

Иш-чаранын негизги төркүнү саясаттан менен эле алек боло бербей, ишке олуттуу мамиле жасап, болгон мүмкүнчүлүктөрдү пайдаланууга ык койсок деген аракет экенин Аскар Сыдыков кеп жыйынтыгы катары баса белгиледи.

P.S.Баш аягы 40 жакын ишкана-уюм катышкан бул иш-чара жогорку деңгээлде, болгондо да, иш-аракет масксаттарынын ток этерин, кызматташуу жагын так айтып, катышуучулар, кызыккандар үчун маалымат алууга абдан эле пайдалуу болгонун биз дагы байкадык. Толук маалымат менен кеңештин расмий сайтынан таанышууга болот:

Зирек АСАНОВА, Бишкек шаары.