Аймак

ӨТКӨН ЖЫЛЫ СООДА ЖАЙЛАРЫНДА 20 ӨРТ КЫРСЫГЫ КАТТАЛГАН. Анын материалдык чыгымы канча?

ӨТКӨН ЖЫЛЫ СООДА ЖАЙЛАРЫНДА 20 ӨРТ КЫРСЫГЫ КАТТАЛГАН. Анын материалдык чыгымы канча?

 1,228 Бардыгы /

Жыл башынан КР ӨКМдин Жалал-Абад  облусу боюнча башкармалыгы тарабынан райондук, шаардык бөлүмдөрү менен биргеликте  базарларда, соода жайларында өрткө каршы түшүндүрүү иштерин жүргүзүү менен өрт-тактикалык машыгууларды өткөрүп келет.

Мындан тышкары, базар ээлери жана ижарачылар, персоналдары өрткө каршы нускамалар өткөрүлүп, жергиликтүү массалык-маалымат каражаттары аркылуу соода жайларындагы өрт коопсуздук чаралары тууралуу чагылдыруу иштери жүргүзүлүүдө.

КР ӨКМдин Жалал-Абад облусу боюнча башкармалыгынын Өрт өчүрүү, алдын алуу жана авариялык-куткаруу иштери бөлүмүнүн улук офицери, майор К.Карабековдун айтымында аткарылган иш-чараларга карабастан облус аймагындагы соода жайларында өткөн 2019-жыл ичинде 20 өрт кырсыгы катталып, келтирилген материалдык зыяны 113 млн. 709 миң  179 сомду түзгөн.

Соода жай ээлерине жогорудагыдай жайларда өрт кырсыктарын болтурбоо жана алдын алуу максатында өрт коопсуздук эрежелерин сактоону КР ӨКМдин   Жалал-Абад облусу боюнча башкармалыгы эскертет!

  1. Базарлардагы соода жайларында, коомдук тамактануучу жайларда алардын ээлери, ижарачылары тарабынан өрткө каршы режимдин так сакталышын камсыз кылуу, жумуш аяктагандан кийин керексиз электр жабдыктарын өчүрүү.
  2. Базарлардагы атайын автоунаа жүрүүчү жолдорду ачык абалда кармоо.
  3. Базарлардын, коомдук тамактануучу жайлардын электр зымдарын туура монтаждоо, дайыма оң абалда кармоо, электр щиттеринде жасалма коргогучтарды (предохранитель) колдонбоо.
  4. Базарлардагы соода жайларында, коомдук тамактануучу жайларда электр зымдарынын кыска чагылышуусунан коргоочу автоматтарды орнотуу.
  5. Базарлардагы соода жайларын, коомдук тамактануучу жайларын өрттү автоматтык түрдө табуучу жана өчүрүүчү жабдыктар менен жабдуу.
  6. Базарлардагы соода жайларын, коомдук тамактануучу жайларын нормага ылайык баштапкы өрт өчүрүүчү каражаттар (огнетущитель, пожарный щит) менен камсыз кылуу.
  7. Базарлардын, соода жайлардын күзөтчүлөрүнүн ишмердигине көзөмөлдү күчөтүү.
  8. Базарларда, ири соода жайларында тиешелүүлүгүнө карап, өрткө каршы сырткы, ички суу булактары менен камсыз кылуу.

Өрт же өзгөчө кырдаалдар катталса, 112, 101 номерине чалыңыздар.

 

Бүбүсара ОРОЗАЛИЕВА, «Аймак»

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17