1,510 Бардыгы /

БИШКЕК. Ош шаарынын мурунку мэри Мелисбек Мырзакматовдун жактоочулары анын ишин кайрадан кароо өтүнүчү менен Жогорку Сотко кайрылышты. Алар Ош шаардык жана Ош облустук сотторунун жокко чыгарып, аны биротоло актооону дагы талап кылып жатышат.

Айтмакчы, буга чейин деле Мелисбек Мырзакматовдун жактоочуларынын кассациялллык даттануулары Жогорку Сот тарабынан бир нече ирет жылдырылган.  Акыркы ирет ушул жылдын 20-февралына мерчемделген.

Айтмакчы, Түштүк башкалаасынын мурунку мэри Мелисбек Мырзакматов Ош шаардык сотунун Кылмыш-Жаза Кодексинин  304-бөлүгү, 3-бөлүкчөсү 1-пункту боюнча («Кызматынан кыянат пайдалануу») боюнча айыпталып, мал-мүлкүн толук бойдон консфикациялоо менен жети жылга эркинен ажыратылган. Анткени, ал кызматынан кыянат пайдаланып, Ош шаарындагы эстакадалык көпүрөнүн наркын атайылап жогорулатып, мамлекетти 29 милион сом чыгымга учураткан. Бул өкүмдү Ош облустук соту дагы толук күчүндө калтырган.

Бирок, Мелисбек Мырзакматов четөлкөдө качып жүргөндүгүнө байланыштуу сот өкүмдөрү эмдигиче аткарылбай келатат. Ал эми экс-мэр өзү муну саясий куугунтуктоо деп эсептейт.

 Алишер ТОКСОНБАЕВ, өз кабарчы