1,089 Бардыгы /

Yandex.kz интернет-домени 9-августта бир канча убакытка чейин колдонуучуларга жеткиликсиз болду. Кээ бир колдонуучулар жеткирүү кызматы жана бул доменге байланыштуу электрондук почтада көйгөйлөр жаралганын билдиришти.

Казакстандык IT-адистер шаршемби күнү түштөн кийин Орусиянын “Яндекс” IT компаниясынын жергиликтүү өкүлчүлүгүнө таандык бул домендин иши ” Интернет-ресурсту Казакстандын аймагынан тышкары аппараттык-программалык комплекстерге жайгаштыруу үчүн” токтотулганын жазышты. Маалыматты Казакстандын Санариптик өнүктүрүү министрлиги тастыктады.

Бир күн мурда орусиялык басылмалар Орусиянын Федералдык коопсуздук кызматы 1-сентябрдан тарта “Яндекс.Таксинин” бардык өлкөдөгү маалымат базаларына “күнү-түнү” кирүү укугун ала турганын жазып чыгышкан. Meduza басылмасы Яндекс Go (такси жана жеткирүү кызматы) колдонгон кардарлардын маалыматтары, анын ичинде чет өлкөдөгү кардарлардын маалыматтары эми Орусиянын дата борборлорунда гана сакталарын билдирген.

“Яндекс” кызматы ушул эле басылмага бул Орусиядан башка өлкөлөргө тиешеси жок экенин айтып, маалыматты төгүндөгөн.

Казакстандын Санариптик өнүктүрүү министрлиги “Яндекстен” дата борборлордун жайгашкан жери, “казакстандыктардын жеке маалыматтарын коргоо боюнча көрүлүп жаткан чаралар, укук коргоо жана атайын органдар менен өз ара аракеттенүү жолдору” тууралуу маалымат сураганын кабарлады.

WWW.