615 Бардыгы /

          БАТКЕН. Баткен облусунун Кадамжай районунда милиция коопсуздукту камсыздап жүрүп, чек ара тартибин одоно түрдөбузуп кирген жаранды кармады. Бул туурасында  Баткен облустук ички иштер башкармалыгынын басма сөз кызматынан билдиришти.

        Маалыматка караганда. Кадамжай районунун Айрыбаз айылында Айрыбаз айылдык милиция бөлүмчөсүнүн начальниги өзүнүн аймактык тескөөчүсү менен биргеликте коомдук коопсуздукту тейлеген аймагында көзөмөлдөп жүрүп, айылда бейтааныш адамды жолуктуруп калат. Шек жараткан жарандан кайда жөнөгөндүгүн, «Жанында документтериң барбы!» деп сураганда ал, «Ош шаарына жөнөдүм» деп жолду адаштырып айтып алат. Айрыбаз айылдык милиция бөлүмчөсүнүн начальниги шектүү жаранды бөлүмчөгө дароо алып келип, текшерүү иштерин дыкаат жүргүзгөндө, ал чек араны мыйзамсыз бузуп кирген 40 жаштагы М.Р. аттуу чет өлкөнүн жараны экендиги ырасталды.

        Аталган факты Кадамжай РИИБсынын КБРне Кыргыз Республикасынын Кылмыш-Жаза Кодексинин 378-беренесинин (Мамлекеттик чек арадан мыйзамсыз өтүү) негизинде кылмыш иши козголуп, кармалган жаран убактылуу кармоо жайына киргизилди. Учшул тапта тергөө иштери кызуу жүрүп жатат.

Алишер ТОКСОНБАЕВ, өз кабарчы