1,218 Бардыгы /

БАТКЕН. Баткенде жалпы баасы дээрлик 4 миллион сомдук акциздик маркасы жок тамекилер кармалды. Бул туурасында Мамлекеттик бажы кызматынан билдиришти.

          Маалыматка караганда.  «Баткен» бажысынын кызматкерлери ЕАЭБ жана Кыргыз Республикасынын бажы эрежелерин бузууларды аныктоо, бөгөт коюу жана алдын алуу боюнча иш-чараларды жүргүзүүдө Кадамжай районунун аймагында З.Б.М. аттуу жарандын башкаруусундагы «Hyundai Porter» үлгүсүндөгү унааны токтотуп текшерүүдө унаанын жүк салуучу бөлүгүнөн акциздик маркасы жок тамеки табылды. Кармалган товарлардын жалпы саны 94 куту же 940 миң даана тамекини түздү. Көз карандысыз экспертизанын корутундусуна ылайык, алынган товардын орточо базар баасы 3 млн 995 миң сомду түзүп олтурат. Жүк Кыргыз Республикасынын  жана ЕАЭБдин аймагына ташып келүүнүн мыйзамдуулугун аныктоо үчүн убактылуу бажы көзөмөлүнүн аймагына жеткирилген.

          Аталган факт даро каттоого алынып, материалдар Кыргыз Республикасынын  мыйзамдарына ылайык чечим кабыл алуу үчүн Баткен облустук прокуратурасына жөнөтүлдү.

Алишер ТОКСОНБАЕВ, өз кабарчы