351 Бардыгы /

Asman Airlines компаниясынын учактары үстүбүздөгү жылдын 27-сентябрынан тартып Кыргызсмтандагы баардык аймактарга уча башташат.  Бул туурасында Кыргыз Республикасынын Министрлер кабинетинин  маалыматы кызматынын жетекчиси Дайырбек Орунбеков билдирди.

  Кыргыз Өкмөтүнүн өкүлү Дайырбек Орунбековдун айтымында, учактар Талас, Нарын жана Караколго катташат. 

– Билеттин баасы 2000 сомдон эле башталат, — деп кошумчалады Кыргыз Республикасынын Министрлер кабинетинин  маалыматы кызматынын жетекчиси Дайырбек Орунбеков.

Ал эми Asman Airlines компаниясынын маалыматына караганда, бир нече тариф сунушталат: супер эконом (7 кило кол жүк менен гана), фул эконом (15 кило жүк жана кол жүк), флекс эконом (15 кило жүк, 7 кило кол жүк, орун тандоо мүмкүнчүлүгү жана кезексиз тейлөө). Ушул жылдын 15-августтунан тартып Бишкек — Талас — Бишкек багыты боюнча билеттерди сатуу башталды. 

Алишер ТОКСОНБАЕВ, өз кабарчы