1,145 Бардыгы /

Жалал-Абад шаарында курулуш тармагында капиталдык салымдарды өздөштүрүү жана турак жай куруу жагынан өткөн жылы кыйла өсүүлөр болду. Атап айтканда, капиталдык салымдарды жумшоо мурдагы жылга караганда 112,3 пайызга, курулган турак жайлардын аянты боюнча 116,1 пайызга өскөн. Бул тууралуу шаар мэриясынан билдиришти.

Алынган маалыматка караганда, быйылкы жылы шаар боюнча жумшалган капталдык салымдар көлөмү 751,3 миллион сомду түзгөн. Өткөн 2017-жылы анын көлөмү 669 миллион сом болуп, капиталдык салымдар 2018-жылы 83,2 миллион сомго көбөйгөн.

Ал эми курулган турак жайлардын аянты 2018-жылы 2017-жылга салыштырмалуу 2518 чарчы метрге көбөйгөн. Атап айтканда, 2017-жылы шаар боюнча 15 миң 599 чарчы метр турак жай курулса, 2018-жылы анын аянты 18 миң 117 чарчы метр.

«Аймак»