2,037 Бардыгы /

         ОШ. Кыргыз Республикасынын Тышкы иштер министрлигинин Түштүк аймактары боюнча Өкүлчүлүгүнн жетекчиси Мирланбек Исмаилов БУУнун Өнүктүрүү Программасынын Кыргызстандагы туруктуу өкүлүнүн кеңешчиси Эркинбек Касыбеков менен жолугушту.

         Жолугушуунун жүрүшүндө БУУнун Өнүктрүү Программасынын Ош облусу боюнча менеджери Мира Субанкулова, БУУнун Балдар Фондунун Ош шаарындагы кеңсесинин башчысы Эрадж Каниев жана БУУнун калкты жайгаштыруу Фондунун, БУУнун Өнүктүрүү Программасынын жана БУУнун Балдар Фондунун Ош шаарындагы кеңсесинин өкүлдөрү дагы катышышты. Анда Кыргызстан жана Өзбекстан жаштарынын кызматташтыгын бекемдөөгө багытталган жаңы чек аралык долбоорунун алкагында БУУнун агентстволорунун ишмердүүлүгү жана жогоруда айтылган долбоордун алкагында Өкүлчүлүктүн БУУнун жергиликтүү агентстволору менен кызматташуу мүмкүнчүлүктөрү дагы ачык-айкын талкууланды.

Буга улай тараптар Кыргыз Республикасынын Президентинин
«2019-жыл – Аймактарды өнүктүрүү жана өлкөнү санариптештирүү жылы деп жарыялоо жөнүндө» Жарлыгын жүзөгө ашыруу алкагында кызматташуу келечеги дөнүндө дагы ой-пикир алмашышты. Атап айтканда, Республикасынын Тышкы иштер министрлигинин Түштүк аймактары боюнча Өкүлчүлүгүнн жетекчиси Мирланбек Исмаилов тарабынан Ош, Жалал-Абад жана Баткен облустарынын экономикалык жана туристтик мүмкүнчүлүктөрүн даңазалаган жана бекемдөөгө багытталган долбоорлор сунушталды.

Жолугушуунун жүрүшүндө тараптар аймактарды өнүктүрүүгө багытталган долбоорлорду ишке ашырууда, ошону менен бирге Кыргызстан менен Өзбекистандын ортосундагы чек аралаш жаштарынын кызматташуусун кеңейтүү жаатында Кыргыз Республикасындагы БУУнун балдар Фондунун, БУУнун Өнүөктүрүү Программасынын жана БУУнун калкты жайгаштыруу Фондунун жаңүңы долбоорлорунун алкагында тыгыз кызматташууга даярдагын дагы билдиришти.

Алишер ТОКСОНБАЕВ, өз кабарчы