2,728 Бардыгы /

ЖАЛАЛ-АБАД. Бүгүн, 30-апрелде Өзбекстандан келген делегаттардын өндүргөн продукциялары жарманкеге коюлду.

Жарманкеде өстүрүлгөн жемиштер, жыгачтан жасалган буюмдар, кийимдер жана башка көптөгөн нерселер болду.

Коңшу өлкөдөн келген меймандар кыргыз эли жакшы тосуп алышкандыгын, меймандостугун баса белгилеп кетишти. Өзбекстандын Андижан облустук кол өнөрчүлөр бирикмесинин башчысы Шахлохан Салиева бул тууралуу төмонкүчө пикир калтырды

“Бүгүнкү жарманке жогорку деңгээлде болуп жатат. Кыргыз өкмөтүнө, Жалал-Абад областынын башчысына ыраазычылыгыбызды билдиребиз. Биз бул жарманкеге музыка аспаптарын, колдо жасалган буюмдарды жана допуларды алып келдик”-дейт

Өкмөттүн областтагы ыйгарым укуктуу өкүлүнүн орун басары Мамасалы Акматов бул тууралуу өз пикирин билдирди.

“Эки элдин мамилеси мындан ары дагы чыңалышы учүн ушундай иштерди кылып жатабыз. Президентибиз бул жаатта биздин алдыбызга көптөгөн иш-пландарды койгон. Алысы туугандан жакынкы кошуна дейт, ошондуктан биз Өзбекстан менен алакаларды чыңдашыбыз керек. Алар бизден, биз алардан ала турган продукциялар бар“-дейт М.Акматов.

Жарманкеде ал гана эмес областтыбыздагы ишкерлердин продукциялары да жарманкеге коюлган.

Кошумчалай кетсек, 29-апрелде Жалал-Абад мамлекеттик университетинде окуу жайдын жааматы делегаттарды тосуп алышкан. Окуу жай менен делегаттар таанышып, алар учүн концерттик программа коюлган. Андан сырткары көргөзмө уюшулуп, окуу жайдагы жетишкендиктер менен тааныштырылды.

Акылай КАРАБАЕВА, “Аймак”