1,212 Бардыгы /

ЧОЛПОН-АТА. Кыргыз Республикасынын Президенти Сооронбай Жээнбеков Ысык-Көл облусунун Чолпон-Ата шаарында Кыргызстанга Евразия Өкмөттөр аралык Кеңештин жыйынына катышуу үчүн  келген Армения Республикасынын Премьер-министри Никол Пашинян менен дагы жолугушту.

Адегенде мамлекет башчысы Сооронбай Жээнбеков Никол Пашинян менен жылуу учурашып, аны кыргызстандыктар жакшы таанып, колдогон сыйлуу конок экендигин белгиледи. Ошондой эле Никол Пашиняндын бүгүнкү Евразия Өкмөттөр аралык Кеңештин жыйынынын ишине ЕАЭБдин Жогорку Кеңешинин Төрагасы катары катышуусу евразиялык аймактагы ийгиликтүү интеграцияга өз салымын кошот деген терең ишенимин билдирди.

Ал эми Армениянын Премьер-министри Никол Пашинян бул анын Кыргызстанга болгон алгачкы сапары визити экендигин баса белгилеп, меймандостугу үчүн терең ыраазычылыгын ачык жар салды: – Бизде ЕАЭБдин жана эки тараптуу мамилелердин алкагында талкуулай турчу маселелерибиз арбын. Бул жылы биздин товар айлантуубузда соода-экономикалык мамилелерибиздин абдан кичине базасына карабастан өсүүнүн болушу байкалууда. Эки өлкөнүн өнүгүүсүнүн максатында товар айлантуунун өсүшү үчүн чоң потенциал бар. ЕАЭБдин бизге берип жаткан мүмкүнчүлүктөрүн толук кандуу колдонушубуз гана абзел! Биздин жалпы кызыкчылыктарыбыз абдан арбын. Кыргызстан менен Армениянын ортосундагы конструктивдүү кызматташууну ырааттуу түрдө улантышыбыз абзел!

Президент Сооронбай Жээнбеков жана Армениянын Премьер-министри Никол Пашинян ошондой эле ЕАЭБдин алкагында кызматташуу, ВСП+макамынын артыкчылыктары, Евро биримдик менен кызматташуу, санариптештирүү тармагында тажрыйба алмашуу, маданий-гуманитардык кызматташуу боюнча дагы ой-пикир алмашышты.

Алишер ТОКСОНБАЕВ, өз кабарчы