1,739 Бардыгы /

Жалал-Абад шаарында жаз мезгилинен тартып көп кабаттуу үйлөрдү актап сырдоо иши башталып, бүгүнкү күнү да улантылууда.

Алсак, Чыңгыз Айтматов аймактык башкармалыгынын Токтогул көчөсүндөгү  12 көп кабаттуу үйдүн 9у  толугу менен актап-сырдоодон өткөрүлдү.

Шаар мэри Мураталы Тагаевдин жана жашоочулардын демилгеси менен бир нече үйлөргө көрк берилүүдө. Азыркы учурга чейин жалпы 15 көп кабаттуу үй актап сырдалып бүттү. Алардын көбү Чынгыз Айтмактов аймактык башкармалыгынан орун алды.

“Биздин аймактык башкармалыкта жалпы 22 көп кабаттуу үй бар. Анын 9у бүгүнкү күндө актап-сырдоодон өттү. Калган үйлөрдө да мындан ары иштер жүрөт. Тургундарыбыз бири-бирине атаандаштык менен үйлөрүн жаңылоодо. 3-4 үйдүн крышасын алмаштырыш керек экен. Ошол алмаштыргандан кийин аларды да актап-сырдоо иштери улантылат. Акча топтоо жагынан көйгөй бир аз жаралууда. Актап сырдоого кеткен каражаттын 30%ын шаардык бийлик, 70%ын тургундар көтөрүүдө. Айрым үйлөргө кеткен каражатты жашоочулар толугу менен өздөрү каржылашты” – дейт, Максат Жусупбеков  Ч.Айтматов аймактык башкармалыгын башчысы.

Кошумчалай кетсек, актап-сырдоо иши шаарда мындан ары да улантылат. Учурда да иш кызуу жүрүп жаткан кези.

Бүбүсара ОРОЗАЛИЕВА, “Аймак”