1,295 Бардыгы /

19-сентябрда Жалал-Абадда 1-октябрь карылар күнүнө карата гүлдөр жарманкеси өттү.

Анда карыялар өздөрү өстүргөн гүлдөрүн жарманкеге алып чыгышты. Бул иш-чараны Кызыл-Ай коому жана Социалдык коргоо бөлүмү менен биргеликте уюштурган.

Кызыл-Ай коомунун Жалал-Абад облусундагы ыктыярчыларын жетектеген Шахзада Раманкулованын айтымында карыяларга көңүл буруу жана өстүргөн гүлдөрдү сатуу негизги максат болгон.

“1-октябрь карылар күнү болгонуна байланыштуу июнь айында гүл идиштерди биргенбиз. Гүлдөрдү өстүрүштү, бүгүн кичине болсо да каражат таап алышсын деп жарманкени өткөрүп жатабыз. Азыр бул жерде каалоочулар келип, сатып алып жатышат”-дейт.

Анын айтымында Кызыл-Ай коому Жалал-Абаддагы 15 карыяны  кароого алышкан. Экиден ыктыярчы жумасына эки күн барып, үй-тиричилигине жардам берип келишет.

Акылай КАРАБАЕВА, “Аймак”