КЫРГЫЗ ДЕЛЕГАЦИЯСЫ ЭЛ АРАЛЫК КӨРГӨЗМӨГӨ КАТЫШТЫ

886 Бардыгы /

НЬЮ-ДЕЛИ. Индиянын Нью-Дели шаарында Кыргыз Республикасынын Индиядагы Элчилигинин көмөгү аркасында Кыргыз делегациясы – Кыргыз Республикасынын Президентинин алдындагы Мамлекеттик башкаруу Академиясынын ректору Акматжан Акматалиев, Нарын мамлекеттик университетинин Ректору Т. Сияев, Ысык-Көл мамлекеттик университетинин ректору К.Абдылдаев, ошондой эле белгилүү илимпоз А.Айдаралиев «FICCI Higher Education Summit-2019» жогорку билим маселелери боюнча Эл аралык он бешинчи конференция-көргөзмөсүнө катышты.

Быйылкы Билим СамМити расмий түрдө Индия Президенти Рам Натх Ковинд мырза тарабынан ачылып, ал өз сөзүндө жогорку агартуу тармагындагы Эл аралык кызматташтык үчүн мүмкүнчүлүктөрдүн мындан ары дагы кеңейтүүлүүсүн, өз ара өнөктөштүк мамилелерди түзүү, индиялык жана чет өлкөлүк жогорку окуу жайларынын ортосундагы кызматташтыктын, ошондой эле Индиядагы жогорку билим чөйрөсүндөгү жана Индияны глобалдык билим борбору катары алга жылдыруубоюнча көз карашы менен дагы тең бөлүшүштү.

Аталган СамМитте 1500 индиялык жана Африка, Жакынкы Чыгыш, КМШ, Түштүк Азия өлкөлөрүнүн Аймактык кызматташтык Биримдигинин (СААРК), Латын Америка, Канада, АКШ, Европа, Австралия,Жаңы Зеландия жана Чыгыш Азия өлкөлөрүнөн делегациялар дагы катышышты. Аталган Билим Форуму Кыргыз делегациясы үчүн чет мамлекеттеринин делегаттары менен жогорку билим тармагындагы кызматташтыктын өнүгүүсүн кызуу талкуулоо, ошондой эле чет өлкөлүк өнөктөштөр менен туруктуу байланыштарды түзүү боюнча жемиштүү жолугушууларды өткөрүү үчүн мыкты аянтчалык милдетти гана аткарды.

МААЛЫМАТ ИРЕТИНДЕ: «FICCI Higher Education Summit-2019» жогорку билим маселелери боюнча Эл аралык он бешинчи конференция-көргөзмөсү Индиянын Коммерция жана өнөр Министрлигинин, Кызмат көрсөтүүлөрдүн Экспорттоосуна көмөк көрсөтүү Кеңешинин (SEPC) жана индиялык соода-өнөр жай палаталарынын Федерациясы (FICCI) менен биргеликте Индиянын адам ресурстарын өнүктүрүү Министрлиги жана «Educational Consultants India Limited» компаниясынын билим маселелери боюнча кеңешчисинин колдоолору аркасында уюштурулду.