650 Бардыгы /

ВЕНА. Вена шаарында Бириккен Улуттар Уюмунун (БУУнун) Эл аралык борборунда Бириккен Улуттар Уюмунун Аялдар гильдиясынын (UNWG), ошондой эле  ар түрдүү кайрымдуулук Уюмдарынын жана Диаспоралардын демилгеси аркасында 51-ирет Кайрымдуулук Базары  өткөрүлдү.

Айтмакчы, бул кайрымдуулуктан түшкөн каражаттар көпчүлүк өлкөлөрдөгү балдарга жардам иретинде жөнөтүлөт. Бул маареке ар түрдүү Эл аралык уюмдар жана Дипломатиялык Өкүлчүлүктөрдүн катышуусунда өткөрүлүп келатат. Ошондой эле Австрия Республикасындагы Кыргыз Республикасынын Элчилиги дагы буга жыл сайын активдүү катышат. Мында коноктор үчүн Кыргыздын кийизден, жибектен жасалган улуттук ар кандай буюмдарынын көргөзмөсү жарнамаланат. Кыргызстандын жасалгалары катышуучулардын көңүлүн өзгөчө буруп, туруктуу назарына дагы татыйт.

Ошентип, мындай иш-чараларга Кыргызстандын байма-бай катышуусу башка мамлекеттердин өкүлдөрү Кыргыз элинин маданияты жана каада-салттары жөнүндө көбүрөк маалымат алуусуна гана мүмкүнчүлүк жаратат.

Алишер ТОКСОНБАЕВ, өз кабарчы