1,396 Бардыгы /

Чаткал районунун Каныш-Кыя айылындагы Акылбек Баймырзаев атындагы жалпы орто билим берүүчү мектебинде “Региондорду өнүктүрүү жана өлкөнү санариптештирүү” жылына карата түрткү  берүүчү гранттын эсебинен мектептин биринчи окуу корпусунун эшик, терезелери жана класстык бөлмөлөрдүн полдору алмаштырылды.

Мектептин ички дубалдары капиталдык оңдоп-түзөлүп, жылуулук системасы борборлоштурулган системага өткөрүлдү. Ошондой эле мектептин айланасы темир тосмо менен тосулуп, бул иштерге жалпы 3 млн сом каражат жумшалды.

–Мектеп жааматы, окуучулар жана ата-энелердин атынан окуучулардын жакшы билим алуусуна керектүү шарттарды түзүп берген Каныш-Кыя айыл аймагына жана айыл аймагынын башчысы  башчысы Нургазы Жолдошовго жана Каныш-Кыя айыл аймагынын депутаттарына ыраазычылык билдиребиз,-дейт мектеп директору Муктар Надырбеков

Эскерте кетсек, бул мезгилге чейин мектептин жылуулук системасы талапка жооп бербей келген, себеби  класстык бөлмөлөрдө жөнөкөй мештерде от жагылчу. Азыркы күндө жылуулук талапка жооп берет. Ошондой эле, Каныш – Кыя айыл аймагы  тарабынан заман талабына ылайык видеокөзөмөл коюлду.

“Аймак”