1,823 Бардыгы /

Чаткал райондук электр тармагы ишканасы тарабынан Каныш-Кыя айылынын тургундарынын суроо-талабына ылайык, капиталдык оңдоолордун алкагында 250 ква кубаттуулуктагы жаңы көмөк чордону коюлду.

Андан сырткары 10 жана 0,4 ква кубаттуулуктагы 14 даана жаңы темир бетон мамы орнотулуп,  тургундарга талаптагыдай электр энергиясы жеткирилди.

Айгыр-Жал айылына 10 даана жаңы темир бетон мамы орнотулуп, Кара-Суу айылына барган карагай мамылар жаңы темир бетон мамыларга алмаштырылды.

Мындан сырткары Айгыр-Жал айылынан төмөнкү Кара-Шоро аймагындагы 1970-жылдардын башында курулган  карагай мамылар эскиргендиктен жаңыланып, алардын ордуна 8 даана жаңы карагай мамылар орнотулду.

–Учурда калган утурумдук оңдоо жумуштары график боюнча жүрүп жатат, азыр олуттуу авариялык өчүрүүлөр жок, арыздардын негизинде гана өчүрүүлөр болууда. Авариялык өчүрүүлөр болгон кезде жумушчуларыбыз тез эле оңдоп, калыбына келтирүүгө жетишүүдө,-дейт Чаткал райондук электр тармагы ишканасынын жетекчиси Уланбек Абдиев.

Кошумчалай кетсек, жогорудагы капиталдык оңдоолор кыш мезгилиндеги электр энергиясынын авариялык өчүп калууларынын алдын алуунун аракетинин негизинде ишке ашырылууда.

“Аймак”