834 Бардыгы /

ЖАЛАЛ-АБАД. БҮГҮН. Жалал-Абад облусунун COVID-19 менен ооругандардын саны көбөйүп жаткан райондорунда күндүзгү стационарлардын ишин жандантуу жумуштары башталды.

Облус жетекчиси Нурболот Мирзахмедов акыркы кырдаалдарда жарандар арасындагы массалык чогулуулар көп болгондуктан илдеттин жугуу коркунучу жогорулап жатканын билдирди. Ага байланыштуу оору көп катталып жаткан район-шаарларда күндүзгү стационарды тез аранын ичинде ачуу керектигин айтты.

Бүгүнкү күндө Аксы, Ала-Бука, Ноокен, Сузак райондорунда жана Жалал-Абад шаарында оорулуулар көп катталып, аймактык ооруканалардын жугуштуу оорулар бөлүмүндө 315 адам дарыланып жатат. Акыркы суткада илдетке кабылган 44 жаран аныкталды.

Азыркы учурда облустук клиникалык ооруканасынын жана Сузак райондук аймактык ооруканасынын жугуштуу оорулар бөлүмдөрү бейтаптарга дээрлик толду. Андыктан жарандардын өмүрүн сактоодо күндүзгү стационардын ишин жандантуу зарылдыгы жаралууда.