726 Бардыгы /

2020-жылдын 25-декабрына караган түнү саат 00.24 чамасында Базар-Коргон районунун Базар-Коргон айылынын Осмонов көчөсүнүн борбордук аянтында орнотулган жаңы жылдык балатысында өрт кырсыгы катталып, натыйжада болжол менен балатынын 1 м² жери күйгөн. Өрт өрт өчүрүүчү автоунаа жеткенге чейин өчүрүлүп калган. Учурда өрт кырсыгынын келип чыгуу себептери, келтирилген зыян такталууда.

Жаңы жыл майрамына карата орнотулган балатыларда өрт кырсыктарын алдын алуу максатында КР ӨКМнин Жалал-Абад облусу боюнча башкармалыгы жаңы жылдык балатыларды орнотууда аны тез күйүүчү заттар менен кооздобоо, электр гирляндаларын электр орнотуу эрежелерине ылайык орнотуу, балатылардын жанында пиротехникалык каражаттарды колдонбоону эскертет. 

Байканбек САДЫКОВ “АЙМАК”