651 Бардыгы /

2021-жылдын 12-19-январь күндөрү Сузак районунун тургундары              1977-ж.т. Ж.Д. жана 1964-ж.т. Р.Б. Сузак РИИБне арыздары менен кайрылышып, өз арыздарында 2021-жылдын 11-январынан 19-январына  чейинки аралыкта короосундагы “гиссар” койлорун белгисиз кылмышкерлер уурдап кеткендигин билдиришип, ууруларды таап мыйзам чегинде чара көрүп берүүнү суранышкан.

Арызданган 2 атуулдардан – 4 баш гиссар тукумундагы кочкорлор уурдалып, аларга  255 000 сомдон ашык материалдык чыгым келтирилген.

Жогорудагы арыздардын негизинде тергөө-ыкчам тобу тарабынан окуя болгон жерлерге кароо жүргүзүлүп, топтолгон материалдар Сузак РИИБдин КЖБРне катталып, 2 факты боюнча КРнын Жазык кодексинин 200-беренесинин негизинде (Уурулук) сотко чейинки өндүрүш иши ачылып, тиешелүү кызматтарга аталган уурулуктун бетин ачып, шектүүлөрдү тергөөгө камсыздоо боюнча тергөө тапшырмалары берилген.

Тергөө тапшырмасынын негизинде жүргүзүлгөн ыкчам-иликтөө иш-чараларынын натыйжасында, кылмышкка шектүүлөрдүн өздүктөрү аныкталып, натыйжада Сузак районунун тургундары 1992-ж.т. А.А,, 1995-ж.т. Э.К. жана 1992-ж.т. А.Ү. кармалышып, тергөөгө камсыздалган. Тергөөнүн жүрүшүндө шектүүлөрдүн аталган кылмышты жасагандыгы жана алар өздөрүнүн “ДэуМатиз” үлгүсүндөгү унаасына салып, изин жашырып кеткендиктери аныкталып, аларга шектүү жөнүндө кабарлама берилип, РИИБдин УКЖга  киргизилген.

Сузак райондук сотунун тергөө судьясы тарабынан аталган шектүүлөрдүн баш коргоо чарасы каралып, 1 (бир) айга камакка алуу түрү тандалып алынган.

Учурда сотко чейинки өндүрүш ишинин алкагында тергөө амалдары жүргүзүлүп жатат.

“АЙМАК”