951 Бардыгы /

БАТКЕН. Кыргыз Республикасынын Министрлер кабинетинин Баткен облусундагы ыйгарым укуктуу Өкүлү Абдыкарим Алимбаев жана Өзбекстандын Фергана облусунун башчысы Хайрулло Бозаров айтылуу Кадамжай шаарында жолугушту.

Адегенде коңшулаш облустардын башчылары жетектеген делегациясынын туңгуч сапары Кадамжай шаарындагы ыйык “Азирети Али” сыйынуучу жайында куран окуу менен башталды. Андан ары эки облустун туризмди өнүктүрүү багыты боюнча достугу өз ара кызматташтык максатында уюштурулуп, эки тараптан тең тиешелүү облустук мекеме-ишканалар, район акимдери жана туризм жаатында ишмердүүлүгүн жүргүзгөн компаниялар жана белгилүү маданият кызматкерлери, жаштардын өкүлдөрү болуп эки облустан чоң делегация катышууда.

Буга улай Баткен жана Фергана облустарынын башчылары Абдыкарим Алимбаев жана Хайрулло Бозаровбаштаган делегация Кадамжай районундагы Курбан-Көл эс алуу жайынын туристтик сезонунун ачылуу аземине дагы катышышып, туристтерди кабыл алуу үчүн расмий ачып, эс алуу аймагы менен кенен-чонон таанышышты. Баса, Курбан-Көл эс алуу жайы Кадамжай районунун Көтөрмө Айыл Өкмөтүндө жайланышкан. Эки бөлүктөн турган Курбан-Көлгө 1200 метр аралыктагы асма жол аркылуу өтүшөт. Туристтер үчүн керектүү бардык заманбап шарттар түзүлгөн.

Кыргыз-Өзбек делегациясы андан ары Өзбекстандын Шахимардан анклавында өзбек эли менен дагы жолугушту. Бул достук жана кызматташтык, ошондой эле туризмди ырааттуу өнүктүрүү боюнча жолугушуу буга чейин эки өлкөнүнүн Президенттери Садыр Жапаров жана Шавкат Мирзиёевдин Өзбекстандын Ташкент шаарындагы достук жолугушуусунда эки тараптуу кызматташтыкты жогорку деңгээлге алып чыгуу боюнча макулдашууларынын алкагында гана өткөрүлүп жатат.

Алишер Токсонбаев