1,431 Бардыгы /

Кемерово облусунун Ленинск-Кузнецкий шаарындагы А.Д.Рубан атындагы шахтада көмүр катмары ысып, авариялык абал жаралды.

Кенчилер эвакуацияланды. Бул тууралуу ТАСС агенттиги “СУЭК-Кузбасс” компаниясынын басма сөз кызматына шилтеме кылуу менен билдирди. Маалыматка караганда, 128 шахтачынын баары жер үстүнө чыгарылды.

Алгач иштебей турган кен жолунда өрт чыкканы айтылып, кийинчерээк бул маалымат тастыкталган жок. ТАССтын ыкчам кызматтардагы өз булагы: “Температура жана истүү газдын датчиктери иштеп кеткен”, деп билдирди. Ага карабай, кенчилерди жер үстүнө чыгаруу чечими кабыл алынган.

25-ноябрда Кузбасстагы Листвяжная шахтасында метандын жарылуусунан 51 адам өлгөн. Алардын арасында 46 шахтер жана беш куткаруучу болгон.

Соңку 20 жылда Орусияда адам өмүрүн алган 23 шахта кырсыгы катталган. Алардын 14ү Кемеров облусунда болгон.

WWW.