1,890 Бардыгы /

Өрт күтүлбөгөн кырсык. Кырсыкты болтурбоо үчүн ар адам сак болууга тийиш.

Эгер өрттү байкап калган учурда дароо эле “101” же “112” номерлерине телефон чалып, өзүңүздүн так дарегиңизди, өрттүн объектисин айтып, өрт өчүрүүчүлөрдү тосуп алышыңыз керек. Эгер өрттү балдар байкап калса, чоңдорду дароо жардамга чакырышы керек.

Өрт жаңы эле башталган болсо суу чачуу, калың кездеме менен жаба коюу, кум чачуу, топурак менен көмүү менен оңой өчүрүүгө болот. Эгер өрт чыгып жаткан учурда суу менен электр зымдарын жана кубатталган электр шаймандарын өчүрбөңүз – бул өмүргө коркунуч алып келет. Эгерде сиз өрткө туруштук бере албай жатканыңызды жана өрт күчөп жатканын көрсөңүз, дароо өрт чыккан жерден чыгып кетиңиз. Эч качан түтүндүү бөлмөдө обочо жерде жашынбаңыз.

Өрттү өчүрүүгө караганда алдын алуу оңой экенин, ал эми кичинекей ширеңке чоң кырсыкка айланышы мүмкүн экенин унутпаңыз!

Айбек ИМАНОВ, КР ӨКМ Жалал-Абад облусу боюнча башкармалыгынын Сузак райондук өзгөчө кырдаалдар бөлүмүнүн өрт өчүрүү жана алдын алуу  бөлүмүнүн улук офицери, капитан