3,051 Бардыгы /

ЖАЛАЛ-АБАД. Аксы милициясы издөөдө жүргөн кылмышкерди кармап, уурулуктун бетин ачты

Жалал-Абад ОИИБдин басма сөз кызматынын маалыматына ылайык, Аксы райондук ички иштер бөлүмү тарабынан өткөн жумада «Арсенал» аталышындагы операция өткөрүлдү. Анын алкагында газо-травматикалык тапанчасы бар 3 мекеме, 59 мергенчиликти сүйүүчүлөр текшерилди.

Ошондой эле операция учурунда РИИБдин кылмыш иликтөө бөлүмүнүн (КИБ) жана экстремизмге мыйзамсыз миграцияга каршы аракеттенүү кызматынын(ЭММКАК) опер кызматкерлери тарабынан Кыргыз Республикасынын КЖКнин 233-беренеси менен козголгон кылмыш ишинин негизинде 2022-жылдын 11-январынан тартып издөөдө жүргөн 1987-ж.т.М.А. аттуу шектүү кармалып, УКИге киргизилген.

Мындан сырткары Кашка-Суу айыл аймагынын тургуну 1971-жылы туулган Д.Б. арыз менен кайрылып анда, 2021-жылдын 10-декабрь күнү анын уулу М.Д. айылындагы мектептин спорт залында топ ойноп жаткан учурда сумкасынын ичинен баасы 11 000 сомдук “Редми 7” кол телефонун белгисиз адамдар уурдап кеткендигин, кылмышкерлерди таап аларга карата мыйзам чегинде чара көрүп берүү жөнүндө кайрылган. 

Бул факты боюнча Кыргыз Республикасынын КЖКнин 205-бер. 2-б. негизинде (Уурулук)иш козголуп, ыкчам иш-чараларды жүргүзүү боюнча тапшырмалар берилген. Жүргүзүлгөн ыкчам иликтөө иштеринин натыйжасында жогорудагы окуяга тиешеси бар деп шектелип Аксы районунунтургуну1979-ж.т. У.К. кармалып, тергөө кызматына өткөрүлүп берилген.