Аймак

“ДОРДОЙДОГУ” ӨРТ 42 КОНТЕЙНЕРДИ ЖАРАКТАН ЧЫГАРДЫ

“ДОРДОЙДОГУ” ӨРТ 42 КОНТЕЙНЕРДИ ЖАРАКТАН ЧЫГАРДЫ

 876 Бардыгы /

“Дордой” базарындагы өрт 42 контейнерди жана тогуз күркөнү каптаганын 6-июлда Өзгөчө кырдаалдар министрлиги (ӨКМ) билдирди.

Мекеменин маалыматына караганда, “кытай катары” деп аталган катарда металлдан жасалган 42 соода түйүнү (контейнер), тез тамактануу, шаурма жана суусундук сатуучу тогуз күркө (павильон) күйгөн. Өрттөнгөн соода түйүндөрүндө кийим-кече сатылчу.

Тилсиз жоо жалпысынан 1000 чарчы метр аянтта жайгашкан соода түйүндөрүн жарактан чыгарып, анын кесепетинен эки адам түтүнгө ууланганы кабарланды. Жабыркагандар Бишкектин №4 ооруканасына жеткирилген.

5-июлда “Дордойдо” чыккан өрттү өчүрүүгө 60 куткаруучудан турган жети бөлүм тартылган.

Айрым ишкерлер базардын администрациясына бардык төлөмдөрдү төгүп келишкенин жана алардын күркөлөрү камсыздандыруудан өткөнүн билдирип, кенемте төлөнүп берилиши керектигин айтышты.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17