9 Бардыгы /

ОшМУда «Шайыр тапкычтар клубу-2025» жыйынтыкталды. Бул «Күлкү – өмүрдүн мүлкү» аталышындагы таймашка жогорку окуу жайдын институт, факультет жана дагы колледждеринен жети команда өз ара ат салышты.

Ошентип, күлкү күнүнө арналып уюштурулган иш-чара студенттердин юмордук сезимин ого бетер өстүрүү, сергек жана активдүү жашоо образын кеңири чагылдыруу, достук мамилени бара-бара чыңдоо, мамлекеттик тилдин баркын ого бетр көтөрүү жана таланттуу студенттерди сөзсүз табуу максатында гана уюштурулду. Командалар өзүнүн шайыр, тапкычтыгын көрсөтүшүп, калыстардын сынынан ийгиликтүү өтүштү. Жыйынтыгында 1-орунду Медициналык колледжинин «Карали юмара»  командасы, 2-орунду Филология жана маданият аралык коммуникация институтунун «Элдин кыздары» командасы, 3-орунду Эл аралык билим берүү программаларынын жогорку мектебинин «Козулар» командасы ээлешти.  

Акырында «Күлкү – өмүрдүн мүлкү» таймашынын жеңүүчүлөрүнө  ОшМУнун студенттик Кеңешинин кубогу, өнөктөштөрдүн атынан сертификаттар жана акчалай сыйлыктар дагы тапшырылды.

Алишер ТОКСОНБАЕВ, өз кабарчы