660 Бардыгы /

БАТКЕН. Баткен облусунун Лейлек районундагы Алга жана Лайли айылдарында бирден жаңы замантап мектеп курулат. Бул туурасында Мамлекеттик сатып алуулар департаментинен билдиришти.

          Баткен облустук капиталдык курулуш башкармалыгы тарабынан тендер жарыяланган. Алга айылындагы мектеп 225 орунга ылайыкташтырылган. Имараттын курулушуна 85 миллион 321 миң 869 сом бөлүндү. Ал эми Лайли айылындагы билим берүү мекемесинин долбоорунда имарат 150 орунга ылайыкталган, бирок долбоорду ишке ашырууга көбүрөөк каражат, тактап айтканда, 138 миллион 223 миң 945 сом ажыратылды.

Аталган агартуу мекемелерин куруунун шарттары подрядчы менен келишим түзүлгөн учурда гана аныкталып, каражат алардын эмебине дароо которулат.

Алишер ТОКСОНБАЕВ, өз кабарчы