693 Бардыгы /

БИШКЕК. Бүгүн, 2023-жылдын 20-сентябрында Кыргыз Республикасынын Ишкерлер күнүнө карата Бишкек шаарынын Тарых музейинде КР ишкерлерин сыйлоо аземи өттү. Бул тууралуу КРдин Экономика министрлигинин маалымат кызматы билдирди.
Кыргыз Республикасынын ишкерлерин сыйлоо аземине КР ишкерлеринин кесиптик майрамы менен КР Министрлер Кабинетинин төрагасынын орун басары Бакыт Төрөбаев куттуктады жана ишкерлер өлкөнүн экономикасын өнүктүрүүгө, ишкананы ачуу, ишке киргизүү жана мамлекеттик бюджетке салыктарды үзгүлтүксүз төлөө аркылуу элдин байлыгын көбөйтүүгө өзгөчө салым кошуп жатканын белгиледи.
Ошондой эле Б. Төрөбаев орто мөөнөттүү келечекте мамлекеттин негизги милдети ар бир адамдын потенциалын ишке ашыруу үчүн зарыл жана жетиштүү чөйрөнү түзүү болуп саналат деп белгиледи. Министрлер Кабинети жөнгө салуу, инвестициялык климат жана инфраструктура жагынан ишкерлер үчүн шарттарды ырааттуу түрдө жакшыртып жатканын жана бирдей атаандаштыкты камсыз кылуу, инвесторлорду коштоо жана тиешелүү ченемдик чөйрөнү түзүү боюнча саясат жүргүзүп жатканын белгиледи.
Соода-өнөр жай палатасынын президенти Темир Сариев бизнес өкүлдөрүн Ишкерлер күнү менен куттуктап жатып, Соода-өнөр жай палатасынын негизги милдеттеринин бири – өз ара аракеттенүү, ишкерлерди коргоо жана аларга көмөк көрсөтүү экенин белгиледи. Бүгүнкү күндө бизнес негизги маселелер боюнча биригүүгө жана консолидацияланган позицияны билдирүүгө үйрөнүшү керек,- деп баса белгиледи Соода-өнөр жай палатасынын жетекчиси.
Кыргыз Республикасынын Экономика жана коммерция министринин орун басары Айнура Усенбекова дагы ишкерлерди куттуктап, Экономика жана коммерция министрлиги ишкерлерди ишкер өнөктөш деп эсептей турганын белгиледи. А. Усенбекова белгилегендей мамлекеттик-жеке диалогдун алкагында Министрликтин аянтчасында бизнес-чөйрөнү жакшыртуу боюнча чаралар биргелешип иштелип чыгып, бизнес-чөйрөнү жана инвестициялык климатты жакшыртуу боюнча уюштуруучулук же укуктук мүнөздөгү чечимдер киргизилүүдө. Бизнестин ар бир демилгеси жана пикири Экономика жана коммерция министрлиги үчүн өлкөнүн экономикасын колдоо жана өнүктүрүүдө туура чечим кабыл алуусу үчүн кымбат жана маанилүү деп белгиледи.