939 Бардыгы /

ЖАЛАЛ-АБАД. Бүгүн 13-ноябрда Жалал-Абад ОИИБдин имаратында маалымат жана басма сөз күнүнө карата бир катар жалпыга маалымдоо каражаттарынын өкүлдөрү сыйланды.

Жалал-Абад ОИИБдин басма сөз кызматы билдиргендей, ИИМдин буйругуна ылайык Жалал-Абад ОИИБдин басма сөз кызматынын улук тескөөчүсү милициянын улук лейтенанты Шеркул Турганбаевге ИИМдин “Кыргыз милициясына 95 жыл” юбилейлик медалы тапшырылды.

Жалал-Абад облусунун ички иштер башкармалыгы тарабынан берилген маалыматтарды жалпыга жайылтууда жана коомдук алдын алуу иш-чараларын жүргүзүүдө тыгыз кызматташкандыгы үчүн облустагы жалпыга маалымдоо каражаттарынын өкүлдөрү ИИМдин “Колдоо көрсөткөндүгү үчүн” медалы, кол саат жана ардак грамоталар менен сыйланышты.

Сыйлык ээлерин Жалал-Абад ОИИБдин башчысы Жеӊишбек Абитов куттуктап, иштерине ийгиликтерди каалады.