321 Бардыгы /

Ош Мамлекеттик университетинин (ОшМУнун) медициналык клиникасында боор жана бөйрөккө операциялар жасалат. Бул туурасында   Ош шаарынын мэри Бакытбек Жетигеновдун аталган окуу жайдын ишмердүүлүгү менен таанышуу максатында Түркиянын Малатия шаарынан иш сапары менен келген İnönü (Инөнү) университетинин өкүлдөрү менен  жолугушуусунда ачык айтылды.

          Аталган жолугушууда профессор Ахмет Кызылай – İnönü (Инөнү) университети ОшМУ менен түзүлгөн Меморандумдун алкагында баш сөөк, боор жана бөйрөк органдарын алмаштыруу боюнча окуу жайдын медициналык клиникасынын дарыгерлерин тажрыйбасын жогорулатуу боюнча окутуулар жүргүзүүлөрүн дагы убадалады. Ал эми мэр Бакытбек Жетигенов бул демилгени кубаттап, жергиликтүү бийлик тарабынан ар тараптуу жардам жана колдоо көрсөтүлөөрүн ачыктады.

          Буга улай Түркиянын Малатия шаары менен Ош калаасынын боордоштук байланышын бекем түзүү маселелери дагы кенен-чонон талкууланды.

Алишер  ТОКСОНБАЕВ, өз кабарчы