366 Бардыгы /

БИШКЕК. ЖКККББнын жетекчилиги ИИМдин Коомдук коопсуздук кызматы менен биргеликте Ички иштер министрлигинде Бишкек шаардык милициянын кайгуул кызматкерлерине кызмат өтөө учурундагы ишмердүүлүгүн көзөмөлгө алган боди камераларды колдонуу жана иштөө тартиби тууралуу окутуп-үйрөтүү сабагын уюштурду.

ЖКККББнын басма сөз кызматы билдиргендей,окутуп-үйрөтүү сабагында

камералар кызматкерлердин көкүрөк төшүнө же ийининдеги погондун астына орнотулуп, кызмат өтөө учурундагы баардык кыймыл аракеттерин онлайн көрсөтүү менен видео жана аудио форматта жазып сакталып, ИИМдин жетекчилиги аркылуу көзөмөлдөнүп турат. Айрыкча, кызматкерлердин кызмат өтөө учурундагы айдоочулар менен болгон мамилесин, мыйзамдуулуктун жана кызматтык тартиптин сакталышын коррупциялык элементтерге жол бербөөсүн, конфликттик жагдайлар учурундагы керектүү далил фактылардын жазылуусун, бөлүнгөн күзөт чарчыларынын кырдаалдык абалын, жада калса айдоочулардын да, өңүн түсүн жана сүйлөгөңдөрүн видео форматта жаздырылып, онлайн мониторинг жүргүзүү менен, тийиштүү чаралар көрүлүп тураарын эскертти.

Андыктан кызмат учурунда сырткы терс таасирлерден алыс болуу керек экендиги айтылып, өлкөнү санариптештирүүнүн алкагында баардык кызматкерлерге жаңы жабдууларды колдонуу жана пайдалануу боюнча окутуп-үйрөтүү сабактарды өткөрүү тапшырмалары коюлду.

Ошондой эле азыркы учурдагы камераларды колдонуу жана пайдалануу тартибинде көрсөтүлгөн нускамага өзгөртүү толуктоолорду киргизүү боюнча өздүк курамдан сунуш пикирлер айтылды.