3 Бардыгы /

Кечээ, 31-мартта Министрлер кабинетинин төрагасынын орун басары – УКМК төрагасы Камчыбек Ташиев бак тигилип жаткан аймакка барды.

Көчөт тигүү өнөктүгүнө Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, Өзгөчө кырдаалдар министрлиги Бообек Ажикеев, министрликтин кызматкерлери, жергиликтүү бийлик жана айыл тургундары катышты.

Жайыт жерди токойго айлантуу максатында мында жаңгак, өрүк, бадам, сосна көчөттөрү олтургузулду. Тигилген көчөттөрдүн толук жетилиши үчүн 100 гектар жер толугу менен тосмолонгон. Көчөттөр отургузулуп бүткөндөн кийин жер аянты толугу менен Кара-Алма токой чарбасына өткөрүлүп берилет.

Камчыбек Ташиев өлкө башчысы Садыр Жапаров тарабынан коюлган тапшырмалардын алкагында, “Жашыл мурас” программасын толугу менен ишке ашыруу зарылдыгына токтолду.

Өзгөчө кырдаалдар министрлигине караштуу Токой кызматы өткөн 2024-жылы 1650 гектар жерге көчөт тиккен. Ал эми 2025-жылы 2500 гектар жерге көчөт отургуузу пландалган.

“Жашыл мурас” өнөктүгүнүн алкагында жайыт жерлерди токойго айлантуу, ошол эле учурда жаратылыш кырсыктарынын алдын алуу максатында ишке ашып жатат.