9 Бардыгы /

Кыргыз Республикасынын Энергетика министрлиги тарабынан энергокомпаниялардагы автопаркты жаңылоо, энергетиктерге шарт түзүп берүү жана тармактагы авариялык өчүүлөрдү алдын алуу багытында атайын техникалар менен камсыздоо иштери үзгүлтүксүз жүргүзүлүүдө. Анын алкагында Жалал-Абаддын энергетиктерине акыркы үч жылда 66 даана жаңы техника алынган. Бүгүнкү күндө ЖЭТИнин балансында жалпы 257 даана техника бар.

Жалал-Абад электр тармактар ишканасынын маалымат кызматы билдиргендей, бул техникалар “КУЭТ” ААКнын өздүк каражаттарынын эсебинен сатылып алынып, энергетика тармагындагы өндүрүштүк иштерди аткарууга багытталган. Алынган техникалардын катарында электр тармактарын тейлөө, авариялык кырдаалдарды ыкчам жоюу жана оңдоо иштерин жүргүзүү үчүн керектелүүчү атайын жана кесиптик техникалар бар. .

Акыркы үч жылда Жалал-Абад электр тармактар ишканасына алынган техникалар:

– Chevrolet Cobalt – 15 даана;

– JAC T8 – 6 даана;

– FAW (ар түрдүү моделдери) – 16 даана;

– FAW NEXT CA4133 – 7 даана;

– Chevrolet Damas – 4 даана;

– Hyundai Sonata – 4 даана;

– Hyundai Porter – 3 даана;

– KIA K5 – 2 даана;

– DONGFENG – 3 даана;

– ISUZU – 1 даана;

– JAC N56 – 1 даана;

– SANY STC500H (автокран) – 1 даана;

– XGMA XG777A (экскаватор-жүктөгүч) – 3 даана.

Белгилей кетсек, буга чейин энергетиктер аймактардагы иштерди негизинен эскирген техникалар менен аткарып келишкен. Акыркы жылдары автопарктын жаңыланышы менен заманбап техникалар ишке киргизилип, электр тармактарын тейлөө, авариялык кырдаалдарды ыкчам жоюу жана оңдоо иштерин жүргүзүү кыйла жеңилдеди. Натыйжада энергетиктердин эмгеги жеңилдеп, иштердин ылдамдыгы жана сапаты жогорулап, калкты туруктуу жана сапаттуу электр энергиясы менен камсыздоого кеңири мүмкүнчүлүк түзүлүүдө.