888 Бардыгы /

ОШ. “Тилектештик автобусу” долбооруна тартылган адвокаттар жана мамлекеттик органдардын кызматкерлери Ош облусунун ϴзгөн районунда караштуу Шагым, Эрдик, Куршаб, Кызыл-Октябр, Эски-Покровка жана Кара-Таш айылдарынын жарандарына жалпысынан 82 ирет акысыз укуктук кеп-кеңеш көрсөтүштү.

Юстиция министрлигинин басма сөз кызматы тастыктагандай, атайын жолугушуулар Өзгөн районундагы К. Эрматов жана Н. Бектемиров атындагы орто мектептердин базасында уюштурулду. Анда жергиликтүү тургундар негизинен пенсияларды жана жөлөк пулдарды чегерүү маселелери боюнча, жер тилкелерин берүү жана аларга документтерди тариздөө, паспорт алуу жана башка маселелер жаатында адистерге түз кайрылышты.

Баса, “Тилектештик автобусунун” адистеринин калк менен жолугушуусу мындан ары дагы улантылып, ошол эле ϴзгөн районунун Кызыл-Кырман, Чымбай айылында, ошондой эле И. Базаркулов жана Т. Сарыков атындагы орто мектептеринде өткөрүлмүкчү.

Алишер ТОКСОНБАЕВ, өз кабарчы