1,086 Бардыгы /

ЖАЛАЛ-АБАД. Ушул жылдын 20-21-сентябрь күндөрү К.Ш. Токтомаматов атындагы Эл аралык университеттин (ЭАУ, Жалал-Абад ш.) Борбордук китепканасынын окурмандар залында Кыргыз Республикасынын Юстиция министрлигинин Жазаларды аткаруу мамлекеттик кызматынын 5-Өзгөчө батальонунун аскер кызматкерлери үчүн бир катар таанытуучу иш-чаралар өткөрүлдү.

ЭАУнун кесиптик багыт берүү жана коомчулук менен байланыштар кызматынын маалыматына ылайык, иш-чарада аталган китепкананын китептер фонду жана электрондук китепканасы менен таанышуу, тарых-маданият жана тилтемасында лекциялар, өзгөчө маани мамлекеттик тилдин өнүгүүсүнө бурулду. Бул иш-чара Кыргыз Республикасынын Мамлекеттик тил күнү 23-сентябрга карата иш-аракеттер алкагында аталган батальондун командири, полковник К.О. Сокеев жана ЭАУнун Үзгүлтүксүз ачык билим берүү институтунун директору, т.и.к., проф. Ж.А. Дүйшеев тарабынан демилгеленип, ректораттын колдоосуна ээ болгон. Иш-чарага катышкан аскер кызматкерлеринин айтуусу боюнча китепкананын фонду жана электрондук китепканасы менен таанышуу, тарых-маданият жана тил темаларындагы лекциялар абдан жогорку деңгээлде уюштурулган, ЭАУнун мамлекеттик жана расмий тилдер кафедрасы менен китепканасынын дирекциясына өзгөчө ыраазычылык билдирилди.