1,503 Бардыгы /

ЖАЛАЛ-АБАД. Бүгүн, 29-апрель Жалал-Абад областынын ички иштер башкармалыгында орозо айт жана май майрамдарына карата саптык кароо өткөрүлдү.

Жалал-Абад ОИИБдин басма сөз кызматы маалымдагандай, саптык кароого Жалал-Абад ОИИБдин борбордук аппаратынын, областтык ЖКККБнын, ИИМдин атайын багыттагы полкунун Жалал-Абад шаарындагы өзүнчө ротасынын кызматкерлери катышышты. Анда кызматкерлердин кийимдери, сырткы келбети, жанында алып жүрүүчү негизги каражаттары текшерүүгө алынды.

Жалал-Абад ОИИБдин жетекчилиги тарабынан коомдук тартипти камсыз кылууда ар бир кызматкер ак дилден кызмат өтөө зарылдыгы белгиленди. Түзүлгөн графиктин алкагында бөлүнгөн аймагында кызмат өтөп, жарандарга сылык мамиледе болуу керектиги айтылды.

Саптык кароо шаардык жана райондук ички иштер бөлүмдөрүндө дагы өткөрүлдү.

Белгилей кетсек Жалал-Абад областынын аймагында 30-апрелден 10-майга чейин1000ге чукул милиция кызматкери күчөтүлгөн тартипте кызмат өтөйт.