816 Бардыгы /

ЖАЛАЛ-АБАД. Кечээ,  29-январда Тайланддын борбор шаары  Бангкокдо  өткөн бокс боюнча Азия чемпионатында, 71 килограмм салмакта коло медаль уткан Нурадин Рустамбек уулун “Жалал-Абад” аэропортунан тосуп алуу аземи өттү.

Жалал-Абад шаардык мэриясынын маалымат борбору маалымдагандай, спортчуну тосуп алууга Спорт комитетинин жетекчилиги, машыктыруучулары жана жакындары катышты.Нурадин буга чейин  2019-жылы Монголиянын борбор шаары Улан-Батордо өткөн бокс боюнча жаштар арасындагы дүйнөлүк чемпионатта 69 кг салмакта 1- орунду, 2020-жылы Азербайжандын борбор шаары Бакуда  кичи дүйнөлүк чемпионатта 69 кг салмакта 1-орунду багындырган.  2021-жылы  бокс боюнча 71 кг салмакта Кыргыз Республикасынын чемпионатында  1-орунду ээлеген болсо,  быйылкы жылы  Ташкентте өткөн  Азия чемпионатында күмүш медаль  утса, 2022- жылы Иорданиянын Амман шаарында өткөн Азиянын биринчилигинде коло медалды багындырган.

Эске салсак,  үстүбүздөгү жылдын январь айында Бангкок шаарында өткөн 18 жаштан 22 жашка чейинкилер арасындагы Азия чемпионатына 21 мамлекеттин спортчулары катышып, Кыргызстандан барган 12 спортчунун жетөөсү коло медалды багындырган.