2,525 Бардыгы /

Базар-Коргон райондук мамлекеттик администрациясы мамлекеттик административдик кызмат орунун ээлөө үчүн ачык СЫНАК ЖАРЫЯЛАЙТ:

 Уюштуруу иштери жана жергиликтүү өз алдынча башкаруу бөлүмүнүн башкы адиси:

 1). Кесиптик билимдин деңгээли:

– жогорку билим мамлекеттик жана муниципалдык башкаруу. Медициналык, юриспруденция, финансылык-экономикалык, айыл чарба, ветеринардык, гуманитардык, табыйгый илимдер, техникалык, курулуш, энергетика тармактарында.

2).  Иш стажы жана тажрыйбасы:

– жалпысынан 3 жылдан кем эмес мамлекеттик жана/же муниципалдык кызмат стажы же тиешелүү кесиптик чөйрөдөгү 5 беш жылдан кем эмес иш стажы.

3). Кесиптик компетенттүүлүгү:

      Төмөнкүлөрдү белгилөө:

-Кыргыз Республикасынын жалпы мыйзамдары;

-Кыргыз Республикасынын Конституциясы;

-Кыргыз Республикасынын “Мамлекеттик жарандык кызмат жана муниципалдык кызмат жөнүндө”; 

-Кыргыз Республикасынын “Ченемдик укуктук актылары жөнүндө”;  

-Коррупцияга каршы аракеттенүү жөнүндө;

-“Жарандардын кайрылууларын кароо тартиби жөнүндө” мыйзамдары;

-Мамлекеттик жарандык жана муниципалдык кызмат боюнча кеңештин 2016-жылдын 19-августундагы №43 токтому менен бекитилген Кыргыз Республикасынын мамлекеттик жана муниципалдык кызматчыларынын этикасынын кодекси.

Тиешелүү тармактагы мыйзамдарын:

-Кыргыз Республикасынын “Жергиликтүү мамлекеттик администрация жөнүндө”;

-“Жергиликтүү өз алдынча башкаруу жөнүндө” мыйзамдары;

-Кыргыз Республикасынын Өкмөтүнүн 2012-жылдын 23-июлундагы “Кыргыз Республикасында иш кагаздарын жүргүзүү боюнча типтүү нускама жөнүндө” № 517 токтому;

-Кыргыз Республикасынын Өкмөтүнүн 2013-жылдын 10-июнундагы “Кыргыз Республикасынын Өкмөтүнүн Регламенти жөнүндө” №341 токтому.

-Кызматтык милдеттерин аткаруу үчүн зарыл болгон көлөмдө мамлекеттик (Кыргыз Республикасынын Өкмөтүнүн 2017-жылдын 21-ноябрындагы № 757 токтомуна ылайык) жана расмий тилдерди.

 Билгичтиги:

-иштин артыкчылыктуу багыттарын аныктоо жана стратегиялык пландарды иштеп чыгуу;

-түзүмдүк бөлүмчөлөрдүн проблемаларын талдоо, божомолдоо, жалпылоо, мониторинг жүргүзүү, контролдоо жана аларды чечүүгө жаңы ыкмаларды киргизүү;

-башкаруучулук чечимдерди ыкчам кабыл алуу жана алардын натыйжалары үчүн жоопкерчилик тартуу;

-кызыкчылыктардын кагылышына алып келүүчү проблемалуу кырдаалдарды өз убагында көрө билүү жана чечүү;

-алдыга коюлган милдеттерди чечүү максатында жаңы ыкмаларды колдонуу үчүн мүмкүнчүлүктөрдү издөө;

-өз ишин жана түзүмдүк бөлүмчөнүн ишин натыйжалуу пландаштыруу;

-ведомстволор аралык өз ара аракеттенүү;

-чыр-чатактуу кырдаалдарды жөнгө салуу.

Көндүмдөрү:   

 -аналитикалык жана стратегиялык документтерди иштеп чыгуу;

-түзүмдүк бөлүмчөнү башкаруу (баш ийген кызматкерлердин ортосунда тапшырмаларды жана милдеттерди туура бөлүштүрүү, мамлекеттик органдын жетекчилигинин стратегиялык максаттарын жана көз караштарын өзүнө баш ийген кызматкерлерге сапаттуу жеткирүү, башкаруучулук чечимдерди ыкчам даярдоо, кабыл алуу жана жүзөгө ашыруу, иштин жаңы формаларын жана методдорун издөө);

-маалыматты талдоо, системалаштыруу жана жалпылоо;

-ченемдик укуктук актылар менен иш алып баруу жана аларды тажрыйбада колдоно билүү;

-натыйжалуу өз ара мамилелерди түзүү, иштиктүү этикеттин ыкмаларын, кеңешмелерди, жолугушууларды өткөрүүнүн ыкмаларын билүү, элдин алдында сүйлөө, мамлекеттик жана расмий тилдерде ишкердик кат алышуу;

-компьютердик жана уюштуруу техниканы, керектүү программалык продуктуларды колдоно билүү.

                             Талап кылынуучу документтер: 

– сынактык комиссиянын төрагасынын дарегине жазылган жеке арызы;

– өздүк баракча;

– 4х6 өлчөмдөгү (түстүү) 2 даана сүрөт;

– паспорттун же өздүгүн күбөлөндүрүүчү документтин көчүрмөсү;

– жогорку билими тууралуу документтин (диплом) көчүрмөсү (нотариалдык       

   конторадан же иштеген жеринен тастыкталган);

– эмгек китепчесинин көчүрмөсү (нотариалдык конторадан же иштеген жеринен  тастыкталган);

–  резюме;

–  өмүр баяны (соттолбогондугу жөнүндө маалыматын көрсөтүү менен);

–  мүнөздөмө.

Документтерди кабыл алуу жарыя чыккан күндөн баштап 10 жумушчу күндүн ичинде төмөнкү дарек боюнча жүргүзүлөт: Базар-Коргон району, Базар-Коргон айылы, Б.Осмонов к. №126, тел: (037-36)  5-01-40; 5-00-10.