Аймак

ОРУСИЯДА ТИК УЧАК КЫЙРАП, 74 КИШИ НАБЫТ БОЛДУ

ОРУСИЯДА ТИК УЧАК КЫЙРАП, 74 КИШИ НАБЫТ БОЛДУ

 2,364 Бардыгы /

24-январда Белгород облусунда Ил-76 аскердик учагы кулап түштү. Бул тууралуу Орусиянын Коргоо министрлиги билдирди.

Маалыматка караганда, бортто туткунга алынган 65 украин аскер кызматкери болгон. Аларды алмашуу үчүн Белгород облусуна коштоп бараткан үч киши жана алты экипаж мүчөсү да набыт болду.

Окуя тууралуу биринчилерден болуп 112 Телеграм каналы билдирди. Белгород Телеграм каналдары окуя учурунда тартылган видеолорду жарыялашты. Тик учак катуу ылдамдыкта кулап, жарылып кетет.

«Украинская правда» жана «РБК-Украина» өз булактарына таянып, Ил-76 учагын Украинанын куралдуу күчтөрү атып түшүргөнүн кабарлады. Басылмалардын жазышынча, учак Харьков аймагын аткылоо үчүн ракеталарды ташып бараткан. Кийинчерээк эки басылма тең кабарды оңдоп, учак кырсыгына Украинанын Куралдуу күчтөрүнүн катышы бар деген маалыматты алып салышты.

Украинанын Башкы чалгын башкармалыгынын өкүлү Андрей Юсов Белгород облусунда кырсыкка учураган Ил-76 аскердик-транспорттук учагында украиналык туткундар ташылып баратканы тууралуу билдирүүлөр азыр текшерилип жатканын айтты.

Орус президентинин басма сөз катчысы Дмитрий Песков дагы эч кандай маалымат бере албасын, маалыматтар чогултулуп жатканын билдирди.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17