330 Бардыгы /

Опузалап акча талап кылууга күмөндөлүп жаткан блогер Батмакан Жолболдуеванын бөгөт чарасы өзгөртүлдү. Бул жөнүндө Жалал-Абад облустук сотунун басма сөз кызматынан кабарлашты.

          Маалыматка ылайык, блогер эми 26-мартка чейин үй камагында болот. Батмакан Жолболдуева УКМКнын кызматкерлери тарабынан акча каражатын алып жатканда кармалып, тергөө абагына киргизилген эле.

          Эскерте кетчү жагдай: Батмакан Жолболдуева 2022-жылы баткендик журналист Арзыгүл Галымбетованын өлүмүнө тиешеси бар деп айыпталган. 2023-жылдын май айында Баткен облустук соту Арзыгүл Галымбетованын өлүмүнө байланыштуу эки эпизод боюнча аны толук актаган. Сот ошондой эле анын блогердик ишмердүүлүгүнө дагы тыюу салууну жокко чыгарган. Документтерди жасалмалоо беренеси боюнча сот ага бир жылга пробациялык көзөмөл дайындаган.    

Алишер  ТОКСОНБАЕВ, өз кабарчы