33 Бардыгы /

Баткен жергесинде  аткезчилик жол менен ташылып келинген дары-дармектер аныкталды. Бул туурасында Улуттук коопсуздук мамлекеттик комитетинен билдиришти.

Маалыматка караганда, бир күн мурун аткезчиликке каршы күрөшүүгө багытталган ыкчам-издөө иш-чараларынын жүрүшүндө УКМК кызматкерлери Чек ара кызматынын аскер кызматкерлери менен биргеликте Лейлек районунун Арка-2 айылында 1994-жылы туулган Т.А.Т. жана 1998-жылы туулган М.Ж.М. аттуу жергиликтүү жашоочулар башкарып бара жаткан «Volkswagen LT46» жана «Мерседес-бенц спринтер» үлгүсүндөгү автотранспорт каражаттары кармалган. Булардын жүк бөлүгүн кароо учурунда автотранспорт каражаттарынын биринен чектеш тараптан алынып келинген контрабандалык жүк: ампициллин жана цефтриаксон дары препараттары (145 куту, ар бир кутуда 16 таңгак, ар бир таңгакта 50 даана, болжолдуу суммасы 2 миллион 200 миң сом) табылды.

Ушул тапта аталган кылмыш ишинин бардык жагдайларын жана ага тиешеси бар адамдарды аныктоо боюнча тиешелүү ыкчам-тергөө иш-чаралары жүргүзүлүүдө.

Алишер ТОКСОНБАЕВ өз кабарчы