18 Бардыгы /

5-февралда Жалал- Абаддагы К.Ш. Токтомаматов атындагы Эл аралык университеттин чоң жыйындар залында ректордун студенттик актив менен жолугушуусу болуп өттү.

Аталган жолугушууда жогорку кесиптик билим берүү тутумундагы коррупция менен күрөштө студент жаштардын кошкон салымы тууралуу маселе талкууланды.

ЭАУнун ректору, э.и.д., профессор Айжамал Кантөрөевна Кантөрөева университетте коррупциянын алдын алуу жана аны болтурбоо максатында студенттерге кайрылып, коррупция маселесин биргелешип карап, талкуулап чыкты.

Студенттик актив, т.а. Жаштар иштери боюнча комитеттин мүчөлөрү, Студенттик парламент жана студенттик тайпалардын старосталары бул иш-чарага активдүү катышып, кеңири маселелерди талкуулашып, студенттер үчүн маанилүү маселелерди козгошту, бир катар суроолорду беришти.

ЭАУнун ректору студенттердин айткандары жана сунуштары толугу менен эске алынып, оң багытта чечилерин ишендирди. Бул жолугушуу ЭАУнун ректораты, профессор-окутуучулар курамы жана студенттери бул окуу жайда билим берүү жараянын сапаттуу уюштурууга бардык тараптар толугу менен кызыкдар экендигин, жогорку квалификациядагы адистерди сапаттуу даярдоонун бардык багыттарында кызматташып жаткандыгын, окуу жайда студенттик өзүн-өзү башкаруу түзүлүштөрүнүн иштиктүүлүгүн тастыктады. Күн тартибиндеги маселе менен бирге студенттер окуу жайдын инфраструктурасы, анын иштиктүүлүгү боюнча да бир катар маселелерге кызыгуусун көрсөтүштү.

Соңунда ЭАУ ректору студенттерди бул багытта жигердүү кызматташууга дагы бир ирет үндөп, жолугушууга активдүү катышкандары үчүн, ректорат менен тыгыз кызматташуусу үчүн ыраазычылык билдирди. Жогоруда баяндалган иш-чара республика боюнча коррупцияны бөгөттөө иш-аракеттеринин алкагында өткөрүлдү.

ЭАУнун Кесиптик багыт берүү коомчулук менен байланыштар кызматы